-Skráning fer eingöngu fram á rafrænan hátt á netinu og verða 40-50 hljómsveitir valdar til þátttöku. Þátttökugjald var 6.000 kr. árið 2009.

-Á hverju undankvöldi skal hljómsveit flytja tvö frumsamin lög. Heildartími þeirra skal ekki vera meiri en 10 mínútur. Á úrslitakvöldi flytur hver hljómsveit þrjú frumsamin lög. Heildartími þeirra skal ekki vera meiri en 12-15 mínútur.

-Músíktilraunir eru ætlaðar ungu fólki á aldrinum 13-25 ára.

-Hljómsveit má ekki hafa gefið út efni sitt á geisladisk, plötu eða hljóðsnældu. Talað er um útgáfu þegar efni er selt og markaðsett skipulega fyrir almenning. Ekki er um útgáfu að ræða þegar efni er eingöngu notað sem gjafir, þrátt fyrir að það sé á geisladisk, plötu eða hljóðsnældu, eða eftir að hljómsveit hefur eingöngu komið út á safnplötu. Sökum þess hversu auðvelt er að útbúa og dreifa tónlist í gegnum netið telst það ekki til útgáfu og er því leyfilegt.

Framkvæmdarnefnd Músíktilrauna áskilur sér þann rétt að hafna hljómsveitum þátttöku ef:
- Sýnishorn (demo) það sem berst stenst ekki tónlistarlegar lágmarkskröfur sem gerðar eru til keppninnar.
- Þátttökugjald hefur ekki verið greitt fyrir fyrir tilskilinn tíma.
- Af öðrum ástæðum.

-40-50 hljómsveitir geta tekið þátt á tilraununum á hverju ári. Fagnefnd á vegum Hins Hússins mun síðan velja og samþykkja umsóknir sem standast inntökukröfur tilraunanna.

-Ath. notkun áfengis og annarra vímuefna er stranglega bönnuð og verði þátttakendur og gestir uppvísir um notkun þeirra er þeim tafarlaust vísað frá.

-Ef eitthvað kemur upp á, t.d. ef að hljómsveit ætlar að hætta við, þá verður að tilkynna það strax á musiktilraunir@itr.is

ATH! Þátttökugjald verður endurgreitt ef umsókn er hafnað.